शुक्रबारदेखि आइतबारसम्मको मौसम यस्तो छ….

नारीकोसिस डटकम/कात्तिक १५, कबाठमाडौं । अरब सागरको पश्चिमी भागमा “क्यार” नामाकरण गरिएको चक्रवात अवस्थित रहेको नेपाल मौसम पूर्वानुमान महाशाखाले जनाएको छ ।

आजको मौसम
आज (शुक्रबार) बिहान पहाडी भूभागका केही स्थानमा आंशिक बदली रहेको छ । बाँकी भूभाग सामान्यतया सफा छ । आज दिउँसो र राति देशको पहाडी भूभागमा आंशिक बदली र बाँकी भूभागमा मौसम सामान्यतया सफा रहनेछ।

शनिबारको मौसम

शनिबार देशको पश्चिमी र पहाडी भूभागमा आंशिक देखि सामान्य बदली र बाँकी भूभागमा मौसम सामान्यतया सफा रहने छ। पहाडी भूभागका एक दुई स्थानमा हल्का वर्षा र उच्च हिमाली भूभागमा हिमपातको सम्भावना छ ।

आइतबारको मौसम

आइतबार दिउँसो देशभर आंशिक देखि सामान्य बदली रही पहाडी भूभागका एक दुई स्थानमा हल्का वर्षा र उच्च हिमाली भूभागमा हल्का हिमपातको सम्भावना छ । आइतबार राति भने देशभर मौसम सामान्यतया सफा रहने छ ।