गुह्येश्वरीमा छठको तयारी अन्तिम चरणमा, भोली ४ वजेदेखि पूजा सुरु हुने

नारीकोसिस डटकम/कात्तिक १५, काठमाडौं । नेपालीको दोस्रो ठूला चाड तिहार सकिएसँगै पशुपति क्षेत्रस्थित गुह्येश्वरीमा छठ पर्वको तयारी अन्तिम चरणमा पुगेको छ । गौरीघाट गुह्येश्वरी छठ पूजा समितिले बाँस गाड्ने, घाट सजावटदेखि सरसफाईलगायत काम, अन्तिम चरणमा पुगेको हो । भोलि शनिवार अर्थात कात्तिक १६ गते साँझा ४ वजेबाट छठ पूजा सुरु हुन्छ र त्यसको लागि करिव सबै तयारी गर्ने काम अन्तिम चरणमा पुगेको समितिका सदस्य अनिल सिंहले जानकारी दिनुभयो ।

६५६ भन्दा बढी छठघाट बनाएको उहाँले जानकारी दिनुभयो । उहाँका अनुसार करिव ३० प्रतिशत पहाडी समुदायले छठ पर्व मनाउन थालेको र यो संख्या अझ वढ्दै गरईरहेको उहाँको भनाई छ । गुह्येश्वरीमा मात्र वार्षिक लाखौँ व्यक्तिले कार्तिक शुक्ल षष्ठी तिथिमा छठ पर्व मनाउने गरेका छन् ।

तराईमा धुमधामसँग मनाइने यो पर्व काठमाडौँमा पनि भव्यरुपमा मनाउन थालिएको छ । भोली राष्ट्रपति विद्यादेवी भण्डारी गुह्येश्वरी जानुभई अस्ताउँदो सूर्यलाई अघ्र्य दिई पूजा गर्नुहुने समितले जनाइएको छ ।

परम्परा अनुसार छठका दिन साँझ अस्ताउँदो सूर्यलाई जलाशयमा उभिएर पूजासहित अर्घ दिएपछि रातभर नदी तथा तलाउ किनारमा बसी भजनकीर्तन गर्दै भोलिपल्ट सप्तमीका दिन बिहान उदाउँदो सूर्यलाई पुनः अर्घ दिई पूजा विसर्जन गरिन्छ । यस पर्वमा मुस्लिम समुदायका व्यत्तिले पनि सहभागी हुन्छ र यो पर्व बिधिबत मनाउछ। पवित्र मनले छठ पर्व मनाउँदा पारिवारिक कल्याण, सन्तानसुख तथा मनोकामना पूरा हुने विश्वास गरिन्छ ।

यही कात्तिक १७ गते आइतबार बिहान उदाउँदो सूर्यलाई अघ्र्य दिएपछि छठ पर्व समापन हुन्छ ।