प्याजको भाउ तेब्बरले बृद्धि, डडेल्धुराका जनता मंहगीको मारमा
नारीकोसिस डटकम/मंसिर ३, डडेल्धुरा । केहि दिन यता डडेल्धुरा सदरमुकाममा प्याजको भाउ बढेको छ। सदरमुकाममा प्याज अहिले प्रतिकिलो २०० रुपैयाँमा बिक्री हुँदैछ। प्याजको मूल्य बढेपछि बजारको सबै ठाउँमा पाउन छोडेको स्थानीय बताउँछन्।
प्याजको मुल्य बढेसँगै अहिले बजारमा माग घट्दै गएको व्यवसायीहरु बताउछन्। धेरैले प्याज नै किन्न छोडेको व्यापारीहरुको भनाई छ ।
प्याजसँगै अन्य तरकारीको भाउ पनि निकै महंगिएको एक व्यापारी शाहु बताउँछन्।
भारतबाट आयात हुने प्याज नआउनु र स्थानीय उत्पादन घटेर गएका कारण प्याजको मुल्य आकाशिएको तरकारी व्यवसायीले जनाए।
केही दिन अगाडिसम्म प्रतिकिलो ५० रुपैयाँमा बिक्री भइरहेको प्याज एक्कासी २०० रुपैयाँमा बिक्री हुँदा उपभोक्ता निकै मारमा परेका छन् ।
भारतमा यस वर्ष प्याज उत्पादनमा आएको कमीले नेपालमा असर परेको व्यापारीहरु बताउँछन्। त्यसको असर डडेल्धुरामा पनि परेको छ। भारतमा ढिलो गरी सुरु भएको मनसुन र लगातारको वर्षाले खेती नष्ट भएपछि प्याजको मूल्य वृद्धि भएको बताइएको छ। डडेल्धुरा अन्य तरकारी मा आत्मनिर्भर भएता पनि मसलादार तरकारी लसुन, प्याज, धनियामा भने परनिर्भर रहेको कृषि विशेषज्ञको भनाई छ।
तपाईको प्रतिक्रिया