नेपाली युवाको अष्ट्रलियामा श्रीमतीद्वारा हत्या
नारीकोसिस डटकम/मंसिर ८, काठमाडौं । अष्ट्रेलियाको सिड्नीस्थित ग्रानभिलको ब्ल्याक सेल स्ट्रिटमा शनिबार राति एक नेपाली मूलका युवाको आफ्नै श्रीमतीले हत्या गरेकी छन् ।
ग्रानभिलमा वर्कसप चलाइरहेका सन्तोष गौतमको पारिवारिक झगडाका कारण उनकै श्रीमतीले हत्या गरेको प्रहरीको आशंका छ । गौतमकी श्रीमती गोमा (नाम परिवर्तन) लाई प्रहरीले हत्याको अभियोगमा पक्राउ गरेको छ ।
घटनापछि प्रहरीलाई फोन गरिएको थियो भने प्रहरी र एम्बुलेन्स आएर घाइतेलाई वेष्टमिड अस्पताल लगेका थिए । जहाँ नेपाली मूलका ती युवाको मृत्य भएको घोषणा गरिएको थियो ।
घटनामा सामान्य घाइते भएकी गोमालाई शनिबार वेष्टमिड अस्पतालमा राखिएको थियो भने बिहान डिस्चार्ज गरेर प्रहरीले नियन्त्रणमा लिएको छ ।
प्रहरीले आइतबार बिहानै पारामाटास्थित अदालतमा आरोपित महिलालाई जमानतको सुनुवाइ लागि लगेको थियो जहाँ उनको जमानत अस्वीकार गरिएको थियो । एजेन्सी
तपाईको प्रतिक्रिया