उपराष्ट्रपति नन्दबहादुर पुनद्वारा विश्वेश्वरप्रसाद कोइराला स्मृति संग्रहालयको अवलोकन
नारीकासिस डटकम/मंसिर १३, काठमाडौं । उपराष्ट्रपति नन्दबहादुर पुनले विसेश्वर प्रसाद कोइराला स्मृति संग्रहालयको अवलोकन गर्नुभएको छ ।
विहिवार काठमाडौंको सुन्दरीजलमा अवस्थित विश्वेश्वरप्रसाद कोइराला र गणेशमान सिंह लगायतका राष्ट्रिय विभुतिहरुको सालिकमा पुष्प गुच्छा अर्पण गरी बिपि लगायतका नेताहरुको जेल जीवन र उहाँहरुले प्रयोग गर्नुभएका सामग्रीहरुको उपराष्ट्रपति पुन लगायतको टोलीले अवलोकन गर्नुभएको हो ।
साथै नेपाली कांग्रेसकै नेतृत्वमा सञ्चालित आन्दोलनमा प्रयोगमा ल्याइएका तोप लगायका फौजी सामग्रीहरु र २०३३ सालमा नेपाली कांग्रेसले भारतीय रुपैयाँ १६ करोड सहित अपहरण गरेको हवाईजहाज लगायतका अन्य सामग्रीहरुको पनि अध्ययन तथा अवलोकन गर्नुभएको थियो ।
यसैगरी सो अलवोलकनपश्चात बागमती सुधार आयोजना र नुवाकोट सिन्धुपाल्चोकको पर्यटकीय क्षेत्र चिसापानीको पनि अवलोकन गर्नुभएको थियो।
सो अवलोनकन टिममा पूर्व युवा तथा खेलकुदमन्त्री एंव प्रतिनिधि सभा सदस्य हित बहादुर तामाङ , प्रदेश नं. ३ की उप-सभामुख राधिका तामाङ लगायत विभिन्न तहका नेता तथा संघ-सस्थाका प्रतिनिधिहरु सहभागी थिए ।
तपाईको प्रतिक्रिया