गोल्ड मेडल जितपश्चात श्रीमानलाई अंगालो हालेर रोईन् आयशा

नारीकोसिस डटकम/मंसिर १६, काठमाडौं । १३ औं दक्षिण एसियाली खेलकुद (साग) मा दुई सन्तानकी आमा आयशा शाक्यले तेक्वान्दोको पुम्से स्वर्ण जित्नुभएको छ ।

शाक्यले भारतीय खेलाडीलाई पछि पार्दै स्वर्ण पदक हात पार्नुभएको हो । उहाँले ७.९४० अंक ल्याउनुभयो । दोस्रो हुनुभएकी भारत प्राजाकिताले ७.६४० अंक र तेस्रो हुनुभएकी श्रीलंकाकी गायत्रीले ७.५५० अंक बट्ल्नुभयो ।

आयशाले साग इतिहासमा तेक्वान्दोको दुई फरक विधामा स्वर्ण जितेर इतिहास समेत बनाउनुभयो । उहाँले सन् २०१० मा भएको एघारौं सागमा उनले ग्योरुगी (फाइट) मा स्वर्ण जित्नुभएको थियो ।

यसैबीच, १३औं सागमा २९ वर्षमाथिको कराते पुम्सेतर्फबाट स्वर्ण पदक जितेपछि आयशा निकै भावुक बन्नुभएको छ । स्वर्ण पदक विजेता बनेसँगै खुसी साट्ने क्रममा उहाँका श्रीमान तथा पूर्व प्रशिक्षक दिपक विष्टसँग अंगालो मार्दै उहाँ रुनुभएको हो ।