एस.सि.ए.आई अस्ट्रेलिया तथा रुडेकद्वारा बिद्यार्थीलाई न्यानो कपडा वितरण

कोशिस मल्टिमेडिया
६ वर्ष पहिले
एस.सि.ए.आई अस्ट्रेलिया तथा रुडेकद्वारा बिद्यार्थीलाई न्यानो कपडा वितरण

नारीकोसिस डटकम/मंसिर २३, नुवाकोट । एस.सि.ए.आई अस्ट्रेलिया तथा रुडेकद्वारा तादि गाउँपालिका वडा २ अन्तरगत दुई विद्यालयका ५ सय २० जना  बिद्यार्थीहरुलाई न्यानो टोपी वितरण गरिएको छ ।

सोमवार एक औपचारिक कार्यक्रम आयोजना गरी सोही वडाका वडाअध्यक्ष बच्चुराम तामाङको उपस्थितिमा सो न्यानो टोपी वितरण गरिएको हो ।

कार्यक्रममा विद्यार्थीहरुलाई टोपी वितरण गर्दै सरकारी तथा गैर सरकारी संस्थाहरुले विद्यार्थीहरुलाई शैक्षिक सामाग्री तथा विद्यालय पोषाक वितरण गर्दा उनीहरुलाई पढ्न हौसाला बढ्ने वडा अध्यक्ष तामाङले बताउनुभयो ।

सो कार्यक्रम रुडेक नेपालका कार्यसमिति सदस्य प्रतिप शर्मा कट्टेलले पहल गर्नुभएको थियो ।

रालुका मा.वि.मा ३ सय २० जना र चिलाउने प्रा.वि.मा २०० जना गरी जम्मा ५ सय २० जना बिद्यार्थीहरुलाई टोपी वितरण गरिएको रुडेकका कार्यसमिति सदस्य शर्मा कट्टेलले जानकारी दिनुभयो ।

 

तपाईको प्रतिक्रिया