काठमाडौंसहित देशभर चिसो बढ्यो

नारीकोसिस डटकम/पुस १३, काठमाडौं । देशभर चिसो बढेको छ । काठमाडौं उपत्यकालगायत हिमाल, पहाड र तराईका सबैजसो स्थानमा बढेको हो ।

मौसम पूर्वानुमान महाशाखाका अनुसार देशका सबैजसो भागमा तापक्रम घटेको छ । भिजिविलिटी पनि कम भएको छ । काठमाडौं उपत्यकामा आजको न्यूनतम तापक्रम ०.६ डिग्री पुगेको छ ।

धनगढीमा ३.६, नेपालगञ्ज र भैरहवामा ५, सिमरामा ७, जनकपुर र विराटनगरमा ८ डिग्री न्यूनतम तापक्रम पुगेको छ । पारदर्शिता पनि कमजोर भएको छ । पूर्वी देखि पश्चिम तराईसम्म बाक्लो हुस्सु लागेको छ । जसका कारण पारदर्शिता कमजोर भएको छ । पूर्व र पश्चिमका भागहरुमा पारदर्शिता कमजोर छ ।