योग गर्दा ध्यान दिनुपर्ने कुराहरु
नारीकोसिस डटकम ।
समय
योग गर्दा समयको विशेष ध्यान दिनुपर्छ । खासगरी बिहानको समय वातावरण शान्त हुने भएकाले योगका लागि राम्रो हुन्छ । वायुमण्डलमा शुद्ध हावा चलेको हुन्छ । हुन त योग दिनभरमा जुनसुकै समय पनि गर्न सकिन्छ । यद्यपी बिहानको समय अझ सूर्योदय अघिको समय एकदम राम्रो मानिन्छ ।
स्थान
योग गर्ने स्थान शान्त र सहज हुनुपर्छ । सकेसम्म बगैंचा, खुला स्थान वा चउर लगायत स्थानको छनौट गर्ने ।
खाना खानसाथ योग नगर्ने
खाना खानसाथ गरिने योग हो, बज्रासान । यसले खानालाई पचाउन सहयोग गर्छ । अर्थात पाचन प्रणालीलाई सहज बनाउँछ । यद्यपी बज्रासान बाहेकका योग भने खाना खाए लगत्तै गर्नु हुँदैन ।
योग लगत्तै ननुहाउने
योग गर्नसाथ तुरुन्तै नुहाउनु हुँदैन । योग गर्दा शारीरिक तापमान बढ्छ । त्यसैले योग गरेको एक घण्टापछि मात्र नुहाउनु पर्छ । नभए, रुँघा, खोकी जस्ता समस्या आउन सक्छ ।
योग लगत्तै चिसो पानी नपिउने
योग गरिरहेको बेला शरीर तातो हुन्छ । यतिबेला चिसो पानी पिउनु लाभदायक हुँदैन । चिसो पानीले एलर्जी, खोकी लाग्ने संभावना हुन्छ ।
तपाईको प्रतिक्रिया