भ्रमण वर्ष २०२० सुरु : भक्तपुरको सिद्धपोखरीमा आजबाट डुंगा सञ्चालन
नारीकोसिस डटकम पुस १६, भक्तपुर । भक्तपुर नगरपालिकाले नगरपालिकाको सिद्धपोखरीमा आजबाट डुंगा सञ्चालनमा ल्याएको छ ।
नेपाल भ्रमण वर्ष २०२० लाई लक्षित गरी भक्तपुर वडा नं. १ सिद्धपोखरीमा बुधबारदेखि नौका बिहार (डुंगा सञ्चालन)मा ल्याएको हो ।
बुधबार एक औपचारिक कार्यक्रका साथ सोही नगरका नगर प्रमुख सुनिल प्रजापतिलेले उद्घाटन गर्नुभएको हो ।
नगर प्रमुख प्रजापतिले सिद्धपोखरी पुनःनिर्माण र जीर्णोद्धारको समयको स्मरण गर्नुहुँदै पोखरीलाई नयाँ जीवन दिन भक्तपुर नपाका जनप्रतिनिधि र स्थानीय जनताको उल्लेखनीय सहयोग प्राप्त भएको बताउनुभयो ।
भ्रमण वर्षको अवसर पारी भक्तपुर नगरपालिकाले भक्तपुरको सिद्धपोखरीमा नौका बिहार (डुंगा सञ्चालन) मा ल्याएको बताउनुहुँदै उहाँले ढुंगा सञ्चालनलाई व्यवस्थित बनाउन कार्यविधि नै बनाएर अगाडि बढ्ने बताउनुभयो ।
औपचारिक कार्यक्रमपश्चात भक्तपुर नगरपालिकाका प्रमुख, उपप्रमुख, जनप्रतिनिधि, कर्मचारी र स्थानीयहरुले सिद्धपोखरीमा डुंगा शयर गरेका थिए ।
भक्तपुर नगरपालिकाले भ्रमण वर्ष २०२० को अवसरमा बुधबार बेलुकी सिद्धपोखरी र कमलपोखरीमा दीपावली गर्ने कार्यक्रम रहेको छ ।
तपाईको प्रतिक्रिया