राष्ट्रियसभा निर्वाचनमा नारायणकाजी श्रेष्ठले पनि चुनाव लड्ने

नारीकोसिस डटकम/पुस १८, काठमाडौं । राष्ट्रियसभा निर्वाचनमा सत्तारुढदल नेपाल कम्युनिष्ट पार्टीका वरिष्ठ नेता एंव प्रवक्ता नारायणकाजी श्रेष्ठले पनि चुनाव लड्ने भएको छ ।

आज प्रधानमन्त्री निवास बालुवाटारमा बसेको सत्तारुढ नेपाल नेकपका सचिवालय बैठकले सातै प्रदेशबाट राष्ट्रियसभाका लागि उम्मेद्वारहरुको टुंगो लगाएको हो ।

बैठकले प्रदेश १ मा महिलाबाट इन्दु गौतम, दलितबाट गोपी अछामी र अन्यबाट देवेन्द्र दाहाल उम्मेदवार भएका छन् ।

प्रदेश २ मा महिलाबाट तुलसा दाहाल र दलितबाट राधेश्याम पासवान तथा प्रदेश ३ मा महिलामा गंगा बेलवासे र अन्यमा बेदुराम भुसाल छन् ।

गण्डकी प्रदेशमा अन्यबाट नारायणकाजी श्रेष्ठ र महिलामा भगवती न्यौपाने उम्मेदवार छन् ।

यस्तै प्रदेश ५ मा महिलाबाट विमला घिमिरे र अपाङ्ग तथा अल्पसंख्यकमा जगप्रसाद शर्मा, अन्यबाट गोपाल भट्टराई, कर्णाली प्रदेशमा अन्यबाट मायाप्रसाद शर्मा, महिलाबाट सुमित्रा विसी छन् ।

त्यस्तै सुदूरपश्चिम प्रदेशमा महिलाबाट शारदा भट्ट र अन्यबाट तारामान स्वांरलाईको नाम सिफारिस गरिएको छ ।