विद्यार्थी टिकाउन विद्यार्थीहरुका लागि दिवा खाजा, आमालाई निशुल्क कम्प्युटर शिक्षा

नारीकोसिस डटकम/पुस १८ सुनसरी । सुनसरीको इनरुवा नगरपालिका ५ बलाहाको शारदा माविले विद्यार्थी टिकाउन विद्यार्थीहरुका लागि दिवा खाजा र आमालाई निशुल्क कम्प्युटर शिक्षा प्रदान गर्ने भएको छ ।

इनरुवा नगरपालिका–५ बलाहास्थित शारदा माविका शिशुदेखी कक्षा ५ सम्मका विद्यार्थीलाई टिकाउनुका साथै र आकर्षण गर्नका लागि निशुल्क रुपमा प्रत्येक विद्यार्थीलाई टिफिन निशुल्क वितरण गर्ने भएको हो ।

विद्यार्थीहरुलाई टिफिन र विद्यार्थीका आमाहरुलाई निशुल्क रुपमा कम्प्युटर शिक्षाको अवसर प्रदान गर्ने भएको विद्यालय व्यवस्थापन समितिका अध्यक्ष खेमराज पोखरेलले जानकारी दिनुभयो ।

अध्यक्ष पोखरेलका अनुसार विद्यालयमा अध्ययनरत्त विद्यार्थीका आमाको भेला बोलाई शुक्रबार आमा समूह समेत गठन गरेर विद्यार्थीलाई टिकाउन र आकर्षण गर्नका लागि निशुल्क रुपमा प्रत्येक विधार्थीलाई टिफिन र आमाहरुलाई निशुल्क कम्प्यूटर शिक्षाको अवसर प्रदान गर्ने कार्यक्रम ल्याएको हो ।