ज्येष्ठ नागरिक विधेयक पारित

नारीकोसिस डटकम पुस २०, काठमाडौं । ज्येष्ठ नागरिक विधेयक पारित भएको छ । पारितकलृ कुल आम्दानीको १० प्रतिशत रकम आमाबुवाको खातामा जम्मा गर्नु नपर्ने व्यवस्था हटाएको छ ।

आइतबार बसेको प्रतिनिधिसभाअन्तर्गतको महिला तथा सामाजिक समितिको बैठकले कुल आम्दानीको १० प्रतिशत रकम आमाबुवाको खातामा जम्मा गर्नु प्रावधान हटाएर ‘ज्येष्ठ नागरिक सम्बन्धि ऐन (पहिलो संशोधन) विधेयक २०७६’ पारित भएको हो ।

अनिवार्य १० प्रतिशत रकम जम्मा गर्नुपर्ने प्रावधान हटाइए पनि ज्येष्ठ नागरिकको जीवनयापनमा समस्या देखिएको खण्डमा आवश्यक रकम सन्तानबाट लिई स्थानीय तहले ज्येष्ठ नागरिकहरुको हेरचाहका लागि उपलब्ध गराउन सक्ने व्यवस्था गरिएको स्रोतले जनएको छ ।

ज्येष्ठ नागरिकको हकवालाको आर्थिक आम्दानी वा हैसियतअनुसार निश्चित रकम मासिक रुपमा ज्येष्ठ नागरिकको खातामा जम्मा गराउन सक्ने प्रावधान विधेयकमा छ । स्थानीय तहले निर्णय गर्नुभन्दा पहिले ज्येष्ठ नागरिकको जीवनयापनमा तत्काल केही गर्न आवश्यक देखिएमा वडाध्यक्षले नै अन्तरिम रुपमा निजका सन्तानलाई सम्बन्धित ज्येष्ठ नागरिकको खातामा निश्चित रकम जम्मा गर्न लगाउन सक्ने व्यवस्था पनि समेटिएको छ ।

विधेयकमा जेष्ठ नागरिकहरुको सीप तथा ज्ञान हस्तान्तरणका लागि स्थानीय तहहरुमा ज्ञान सीप केन्द्रको स्थापना गरिने उल्लेख गरिएको छ ।