प्रदेश–३ नेकपा संसदीय दलको निर्णय, राजधानी हेटौडा, नाम बागमती राख्ने

नारीकोसिस डटकम पुस २५, काठमाडौं । पाँच दिन सम्म हेटौंडामा वसेको नेकपा प्रदेश–३ संसदीय दलको वैठकले प्रदेशको राजधानी हेटौंडा राख्ने औपचारिक निर्णय गरेको छ ।

बैठकपछि प्रदेश ३ का मुख्यमन्त्री समेत रहेका नेकपा प्रदेश ३ संसदीय दलका नेता डोरमणी पौडेलले राजधानी र नामबारे हेटौंडा र वागमतीमा सहमति भएको बताउनुभयो। ‘राजधानी हेटौंडा र नाममा वागमती सहमति भएको छ’ मुख्यमन्त्री पौडेलले भन्नुभयो ।

सहमतिपछि प्रदेशको राजधानी हेटौंडा र नाम वागमतीको प्रस्ताव संसदमा दर्ता गर्ने तयारी गरिएको छ । आज दिउसो ३ वजे संसद वैठक वस्दैछ । केही सांसदहरुले अरु जिल्लाको पनि नाम दर्ता गराउने भनेका छन् । प्रदेश ३ को सत्तारुढ दल नेकपा संसदीय दलको बैठकले आज राजधानी र नामाकरणका विषयमा निर्णय गरेर राजधानी र नामाकरणको प्रकृया संसदमा सुरु गर्नका लागि थप सहजता पैदा भएको छ ।