कागेश्वरी नगरपालिका द्धारा बालगृह संचालन तथा व्यवस्थापन अभिमुखिकरण कार्यक्रम सम्पन्न
कागेश्वरी मनोहरा नगरपालिकाको आयोजनामा भएको बालगृह संचालन तथा व्यवस्थापन सम्बन्धी एक दिने तालिम दिई सम्पन्न भएको छ ।
कार्यक्रमको सम्बोधन गर्दै नगरप्रमुख कृष्णहरी थापाले आफ्नो नगरभित्र संचालनमा रहेका बालगृहमा उपर्युक्त व्यबस्थापन नभएको भन्दै संचालकहरु प्रति असन्तुष्टि व्यक्त गर्दै त्यस किसिमका बालगृहलाई कानुनी दायरामा आउन समेत आग्रह गर्नु भएको छ ।
स्थानीय निकाएको सहयोगमा बालगृह संचालन तथा व्यवस्थापन सम्बन्धी अभिमुखिकरण कार्यक्रम लिन पाउदा बालगृह संचालकहरुले खुशी व्यक्त गरे । कार्यक्रममा सहभागिहरुले बालगृह संचालन गर्दा ध्यानदिनुपर्ने कार्यहरु थाहा नपाएको समेत जनाए । उनीहरुले हालसम्म पनि बालगृह चलाउदा जानकारीको अभावले केही गल्ती गरिएको भन्दै यसलाई छिट्टै सुधारमा ल्याउने प्रतिवद्धता जनाए ।
बालगृहलाई प्रशिक्षक अष्टलाल शाक्यले एक दिने बालगृह संचालन तथा व्यस्थापन मापदण्ड २०६९ बारे अभिमूखिकरण कार्यक्रममा बालगृह कसरी चलाउने रु आवश्यक नियम तथा कानुन के हुन् रु लगायत विभिन्न विषयमा जानकारी दिएकी थिईंन् । संचालकहरुले संस्था संचालन गर्दा गरिएका कमिकमजोरी लगातयका विषयमा समेत आवश्यक छलफल गरिएको थियो ।
प्रमुख प्रशासकिय अधिकृत गिरीराज ज्ञवालीले निर्दोष बालबालिकालाई मापदण्ड भन्दा बाहिर रहेर विभिन्न किसिमका नकारात्मक गतिविधि गर्न नहुने धारणा व्यक्त गरे । मापदण्ड अनुसार ‘समृद्ध बालक,सुखी बालक’ बनाउन आवश्यक रहेको धारणा समेत व्यक्त गरेका थिए ।
तपाईको प्रतिक्रिया