नुवाकोटको सातविसेमा १० हल गोरु जुधाइयो, प्रथम हुनेलाई नगद ३० हजार पुस्कार
नारीकोसिस डटकम/माघ २, नुवाकोट । जिल्लाको तादी गाउँपालिका वडा ४, सातविसेमा १० हल गोरु जुधाईएको छ ।
बुधावार स्थानीयवासीन्दा एंव गाउँपालिकाको सहकार्यमा आयोजित माघेसंक्रान्ति गोरु जुधाई उत्सव तथा विविध सास्कृतिक कार्यक्रममा १० हल गोरु जुधाईएको हो ।
सो उत्सवमा प्रथम हुनेलाई ३० हजार, दोस्रोलाई २० हजार, तेस्रोलाई १५ हजार नगद पुस्कार स्वरुप प्रदान गरिएको आयोजकले जनाएको छ ।
प्रथम हुनेमा विदुर नगरपालिकाको कल्याणपुर, दोस्रो हुनेमा पञ्चकन्या–४ आरुखर्क, र तेस्रो हुनेमा तादी–२, दालथोकका रहेका छन् ।
कार्यक्रममा प्रमुख अतिथिको रुपमा गाउँपालिका अध्यक्ष नारायणप्रसाद पाण्डे, विशेष अतिथि गाउपालिका उपाध्यक्ष इश्वरी उप्रेती, लगायत वडा अध्यक्ष एंव विभिन्न राजनीतिक दलका प्रतिनिधिहरु अतिथिको रुपमा उपस्थित थिए भने स्थानीयबासीको बाग्लो उपस्थिति रहेको थियो ।
मेलामा सहभागी अतिथिहरुले यसलाई स्थानीय मौलिक साँस्कृतिक परम्पराको रुपमा विकास गर्दै आगामी दिनहरुमा व्यवस्थित ढंगले अगाडि बढाई मेलालाई निरन्तरता दिनुपर्नेमा जोड दिएका छन् ।
नुवाकोटको तारकेश्वर, विदुर, पञ्चकन्या, लिखु, कट्टीछापमा सो मेला हुँदै र आएको यस वर्ष सातविसेमा पहिलो पटक सो मेला आयोजना गरिएको हो ।
तपाईको प्रतिक्रिया