अमिला फलफूल निर्यातका लागि चीन पठाउन बाटो खुल्यो

६ कात्तिक, काठमाडौं । चिनियाँ राष्ट्रपति सी चिनफिङको राजकीय भ्रमणमा नेपालमा उत्पादन हुने अमिला फलफूल निर्यातका लागि एक सम्झौतापत्रमा हस्ताक्षर भयो । त्यसले नेपालबाट सुन्तला, जुनार, कागती, निबुवा, भोगटे जस्ता फलफूल निर्यात गर्न चिनियाँ बजार खुल्ला भएको दाबी सरकारी अधिकारीहरूले गरेका छन् ।

दुई देशबीच भएका सम्झौतामा नेपालमा उत्पादन हुने अमिला जातका फलफूलको निर्यातका लागि वनस्पति स्वास्थ्य मापदण्डमा समझदारी जुटेको उल्लेख छ । नेपाली अमिला फलफूल चिनियाँ बजारका प्रवेशको मुख्य उल्झन राष्ट्रपति भ्रमणमा फुकेको फलफूल विकास केन्द्र कीर्तिपुरका निमित्त प्रमुख हरिप्रसाद गुरुङ बताउँछन् ।