पूर्वमन्त्री हित बाहदुर तामाङद्वारा महिला सहकारी संस्थाको भवन उद्घाटन

नारीकोसिस डटकम/कात्तिक ३०, नुवाकोट । पूर्व युवा तथा खेलकुदमन्त्री एंव संघिय सांसद हित बाहदुर तामाङले सातविसे महिला कृषि सहकारी संस्थाको भवन उद्घाटन गर्नुभएको छ ।

शनिवार नुवाकोट जिल्ला तादी गाउँपालिका वडा न ४, सातबिसे बजारमा संस्थाले आयोजना गरिएको एक औपचारिक कार्यक्रमका साथ सो संस्थाको नबनिर्मित भवनको उद्घाटन मन्त्री तामाङले गर्नुभएको हो ।

कार्यक्रममा मन्त्री तामाङले भवन निर्माणको लागि आर्थिक सहयोग प्रदान गर्ने world renew Nepal  र साझेदारी संस्था नारी जागरण समाजलाई बिशेष धन्यवाद सहित संस्थाको उत्तरोत्तर प्रगतिको कामना व्यक्त गर्नुभयो ।

कार्यक्रममा सोही गाउँपालिकाका गाउँपालिका अध्यक्ष नारायण पाण्डे वडा नं. २ का वडा अध्यक्ष बच्चुराम तामाङ लगायत स्थानीय संघ–संस्थाका प्रधिनिधिहरु अतिथिको रुपमा उपस्थित थिए । साथै स्थानीयवासीहरुको वाक्लो उपस्थिति रहेको थियो ।