नेपाल कम्युनिष्ट पार्टी (नेकपा) ले अग्नि सापकोटालाई सभामुखको उम्मेदवार बनाउने निर्णय

काठमाडौं । नेपाल कम्युनिष्ट पार्टी (नेकपा) ले अग्नि सापकोटालाई सभामुखको उम्मेदवार बनाउने निर्णय गरेको छ । प्रधानमन्त्री निवास बालुवाटारमा आइतबार बसेको नेकपा सचिवालय बैठकले सापकोटालाई सभामुखको उम्मेदवार बनाउने निर्णय गरेको हो ।

तत्कालीन सभामुख कृष्णबहादुर महराले राजीनामा दिएपछि प्रतिनिधिसभा लामो समयदेखि सभामुखविहीन रहेको छ । शीर्ष नेताबीच आपसी कस्साकसी भएकाले लामो समय नेकपाले सभामुखको उम्मेदवार चयन गर्न सकेको थिएन ।
प्रतिनिधिसभामा नेकपाको स्पष्ट बहुमत छ । त्यसैले सभामुख निर्वाचनमा नेकपाका उम्मेदवारमा चयन भएका सापकोटाको जित सुनिश्चितजस्तै छ ।