श्रावण महिना र शिवको महिमा
‘शिव’ संस्कृत भाषा शब्दबाट आएको शब्द हो । यसको अर्थ कल्याणकारी वा शुभकारी हुन्छ । ‘शि’ को अर्थ पापको नाश गर्ने र ‘व’को अर्थ दिनेवाला अर्थात् दाता भन्ने हुन्छ । तसर्थ भगवान् शिवलाई पापको नाश गरी सबैको कल्याण गर्ने दाताको रूपमा लिइन्छ । भगवान् शिवलाई महादेव, शङ्कर, भोलेनाथ, कालभैरव महाकाल, महेश, रुद्र, विश्वनाथ, चन्द्रशेखर, भूतनाथ आदि १०८ भन्दा बढी नामले चिनिन्छ । शनि, कश्यप ऋषि, रावण आदि उनका अति नै ठूला भक्त थिए भन्ने कथन पाइन्छ ।
शिव पुराणअनुसार श्रावण महिना भगवान् शिवको अत्यन्त प्रिय महिना हो । यो महिना पूर्णिमामा श्रवण नक्षत्र हुनाले तथा यो महिनाको महिमा श्रवण गर्न अति योग्य र श्रवण गरेमा मात्र पनि सिद्धि प्राप्त हुनाले यसलाई श्रावण भनिएको हो । भगवान् शिव स्वयंले सनतकुमारलाई श्रावण महिनाको महिमा वर्णन गर्दै उनका तीन नेत्रमा सूर्य दाहिने, चन्द्रमा देब्रे र मध्य नेत्र अग्नि रहेको कथा पुराणहरूमा रहेको छ । शिव पुराणअनुसार श्रावण मासमा शिवजीको पुजा–आरधना तथा व्रत बसेमा हरेक प्रकारको शुभफल तथा मोक्ष प्राप्त हुन्छ ।
तपाईको प्रतिक्रिया