७ वर्षीया बालिका बलात्कार गर्ने एक युवक पक्राउ

नवलपरासी । बैशाख–३,नवलपरासीको गैंडाकोट नगरपालिका–२ बस्ने ७ वर्षीया बालिकालाई बलात्कार गरेको आरोपमा प्रहरीले एक युवालाई पक्राउ गरेको छ ।

पक्राउ पर्नेमा सोही नगरपालिका–२ डेरा गरी बस्ने मकवानपुर चैनपुर नगरपालिका–५ का २३ वर्षीय प्रकाश प्रजा रहेका छन् । घटनाबारे थप अनुसन्धान भईरहेको जिल्ला प्रहरी कार्यालय नवरपरासीले जनाएको छ ।

यसैगरी ललितपुरको बागमती गाउँपालिका–२ घर भई २५ वर्षे शेखर लामिछाने लाई बलात्कारको आरोपमा सोमबार प्रहरीले पक्राउ गरेका छन् ।

लामिछानेले सोही गाउँपालिकाको २१ वर्षीया एक युवतीलाई बासुने जंगलमा घाँस दाउरा काट्न जाने क्रममा आइतबार बलात्कार गरेको प्रहरीले जनाएको छ । पक्राउ परेका लामिछानेको थप अनुसन्धान भईरहेको प्रहरीले जानकारी दिएको छ ।