अध्ययनले लामो र स्वस्थ जीवनका लागि मिठो निद्रामा समय खर्च गर्न सुझाव

युनिभर्सिटी अफ क्यालिफोर्निया, बर्कलीका मनोविज्ञान प्राध्यापक तथा निन्द्रा विशेषज्ञ म्याथ्यु वाकरले गरेका थुप्रै अध्ययनले लामो र स्वस्थ जीवनका लागि मिठो निद्रामा समय खर्च गर्न सुझाव दिन्छन् । दिनभरि काम गरेपछि लागेको थकाईलाई हटाउनका लागि राति आराम गर्नु जरूरी हुन्छ तथा मस्तिष्कको थकान हटेर भोलिपल्ट फेरि काम गर्ने उर्जा पनि थपिन्छ ।

विकसित मुलुकहरूमा मानिसहरूको ज्यान लिइरहेको अल्जाइमर्स, क्यान्सर, मुटु र धमनीसम्बन्धी रोगहरू, मोटोपन, डिप्रेशन, चिन्ता र आत्महत्याको पनि निद्राको अभावसँग केही न केही सम्बन्ध पाइएको छ । निदाएको अवस्थामा मानव शरीरका सबै प्रणालीहरूको नवीकरण हुन्छ । निद्रा पुगेन भने शरीरका सबै अंगहरूमा असर पर्न जान्छ ।

दैनिक ७ देखि ९ घण्टा सुत्दा पर्याप्त निद्रा पुग्ने गर्छ । हालै गरिएको अनुसन्धानले ६ घन्टाभन्दा कम सुत्ने मानिसलाई मिर्गौला, उच्च रक्तचाप, मोटोपन र मधुमेहको डर हुने देखाइएको छ । राम्रो निन्द्रा नपुग्दा शरीरमा रगतको प्रवाह प्रभावित हुन्छ र शरीरका विभिन्न अंगहरू राम्रो काम गर्न सक्दैन । राम्रो निद्रा नपुग्दा मिर्गौला, हृदय, फोक्सो, मस्तिष्क फेल हुने सम्भावना हुन्छ ।

रोगको प्रतिरोध गर्ने क्षमतामा असर पर्न गइ शरीरमा विभिन्न रोग लाग्छ । राम्रो निन्द्राका लागि जीवनशैलीमा परिवर्तन गर्नुपर्छ । शरीरलाई आवश्यक पर्ने पोषण तत्वका भएको पर्याप्त भोजन, प्रशस्त पानी, धुम्रपान, मदिरापान तथा सूर्तीजन्य पदार्थको त्याग, नियमित ब्यायाम, गुलियो, चिल्लो, पिरो तथा जंक फुडको त्याग गर्नाले शरीर स्वास्थ्य हुने हुँदा मिठो निन्द्रा लाग्न सक्छ ।

पर्याप्त सुत्नु शारीरिक र मानसिक स्वास्थ्यका लागि मात्रै नभएर रचनात्मकता र सृर्जनशीलताका लागि पनि महत्त्वपूर्ण हुन्छ ।